Administratioun fir d'Evaluatioun an d'Kontroll vun der Fleegeversécherung // Le gouvernement luxembourgeois

Progressiv Reprise vun den Evaluatioune vun der Fleegebedierftegkeet am Kader vun der sanitärer Kris

Am Kontext vun der COVID-19-Coronavirus-Pandemie an no den ugekënnegten Uweisungen a Moossname vun der Regierung, huet d’ Verwaltung fir d’Evaluatioun an d’Kontroll (AEC) vun der Fleegeversécherung eng Rei Moossname par rapport zu hirer Zilgrupp getraff fir esou di beschtméiglechst Gesondheet vun den eeleren a vulnerabele Persounen ze garantéieren.

D’Prozedure gi permanent un déi aktuell Situatioun ugepasst fir en qualitativ heigwäertege Service ze garantéieren an d‘Demanden déi mir kréien ze traitéieren.

Parallel zur schrëttweiser Ophiewung vun den Ausgangsbeschränkunge wéi se vun der Regierung decidéiert ginn ass, huet d’AEC d’Evaluatiounen nees opgeholl, sou dat :

  • säit dem 20. Abrëll 2020, an no Ofsprooch mat der COPAS, d’AEC nees Evaluatioune vu Persounen déi an engem Etablissement liewen elektronesch iwwert den Outil My-Secu traitéiert. My-Secu ass eng secher informatesch Plattform iwwert déi professionell Prestatairen, déi di néideg Autorisatiounen hunn an ausräichend identifizéiert sinn, der AEC d'Hëllefs- a Fleegeleeschtungen déi si hire Patienten zoukomme loosse matdeele kennen. Op Basis vun dësen Informatioune leed d’AEC hiren Avis un d’CNS weider.
  •  säit dem 12. Mee 2020, huet d’AEC nees mat Evaluatiounen a Reevaluatioune vu Persounen déi doheem liewen, ënner Anhale vu sämtlechen néidege Sécherheetsmesuren, ugefaangen a kontaktéiert déi betraffe Persoun den Dag virun der Evaluatioun telefonesch fir de Rendez-vous festzehalen. D’Droe vun enger Mask oder engem anere Schutz, dee Mond an Nues vollstänneg bedeckt, ass Flicht wann eng Distanz vun 2 Meter wärend der Evaluatioun net kann agehale ginn. Sollte keng Masken do sinn, ginn se iech vun eisem Mataarbechter zur Verfügung gestallt. D’AEC biet d’Famillen, d’Unzuel vu Persounen déi wärend der Evaluatioun am Raum present sinn op e strikte Minimum ze beschränken, also nëmmen déi Persoun déi d’Demande gestallt huet an hiren Aidant. Eng gewëssen Unzuel un spezifeschen Evaluatioune fir Persounen déi doheem liewe ginn, wei uewe beschriwwen, mat Hëllef vum Outil MySecu traitéiert.
  • säit dem 9. Juni 2020, huet d’AEC nees mat Evaluatiounen a Reevaluatioune vu Persounen an hiren Antennen zu Lëtzebuerg-Hollerech ënner Anhale vu sämtlechen néidege Sécherheetsmesuren ugefaangen. D’Droe vun enger Mask oder engem anere Schutz, dee Mond an Nues vollstänneg bedeckt, ass Flicht wann eng Distanz vun 2 Meter wärend der Evaluatioun net kann agehale gi. Sollte keng Masken do sinn, ginn se iech vun eisem Mataarbechter zur Verfügung gestallt.

Fleegebedierfteg Persoune mat spezifesche Froen zu hirem Dossier kenne weiderhin d’AEC kontaktéieren. All eis Mataarbechter stinn zur Verfügung fir Är Uriff a Froen ze beäntwerten.

 

Eis „Helplinen“ kenne kontaktéiert ginn:

 

"Helpline Sekretariat" fir allgemeng Renseignementer

Tel. 247-86060 / Fax. 247-86061

Méindes bis Freides vun 9:00 bis 11:00 Auer an vun 14:00 bis 16:00

secretariat@ad.etat.lu

 

 "Helpline Technesch Hëllefsmëttel"

Tel. 247-86040

Méindes - Dënschdes - Donneschdes - Freides vun 8:30 bis 11:30 Auer

Mëttwochs vun 13:30 bis 17:00 Auer

  • Fir technesch Hëllefsmëttel zur Verfügung ze stellen. Mier schaffen enk mam "Service Moyens Accessoires (SMA) " zesummen, deen d’Liwwerung vun dréngenden techneschen Hëllefsmëttele garantéiert an och vun deenen, déi eventuell gebraucht ginn, fir dass eng Persoun erëm kann heem goen. Des wieren: Motoriséiert Better, Alternating Matrassen, Chaise-percée mat Rieder, activ a passiv Lève-personne a Positiounsrollstill. Demandë fir all aner technesch Hëllefsmëttel ginn sou séier wéi et ënnert den aktuellen Ëmstänn méiglech ass traitéiert.
  • Fir Renseignementer am Zesummenhang mat techneschen Hëllefsmëttelen, enger Adaptatioun vun der Wunneng oder enger Adaptatioun vum Auto.

 

Um offizielle Site www.covid19.lu fannt Dir all d’Informatiounen zum COVID-19-Coronavirus wéi zu sengem Symptomer, senger Iwwerdroung an de richtege Moossname fir Ären eegene Schutz wéi och fir dee vun all de Leit aus Ärem direkten Ëmfeld. 

Aktualiséiert : 30.06.2020

 

Attributiounen

D'Decisiounen a Saache Bewëllegung vun de Leeschtunge vun der Fleegeversécherung falen an de Kompetenzberäich vun der Administratioun fir d'Evaluatioun an d'Kontroll (AEC) vun der Fleegeversécherung, déi dem Ministère ënnersteet, dee fir sozial Sécherheet zoustänneg ass.

D'Administratioun fir d'Evaluatioun an d'Kontroll (AEC) huet am Kader vun de Leeschtunge vun der Fleegeversécherung Evaluatiouns-, Kontroll- a Berodungsaufgaben.

Weiderliesen

Wousst Dir schonn?

Der Fleegeversécherung hiert Haaptzil ass d'Prise en charge vun den Hëllefs- a Fleegeleeschtunge fir fleegebedierfteg Persounen, déi doheem oder an engem Hëllefs- a Fleegeetablissement liewen, d. h.:

  • Sachleeschtungen;
  • technesch Hëllefsmëttelen an Adaptatioune vun der Wunneng.

Bei fleegebedierftege Persounen, déi doheem wunnen, kann d'Prise en charge ënner gewëssene Bedéngunge Geldleeschtungen als Ersatz fir Sachleeschtungen ëmfaassen.

Demarchen

Legislatioun

Statistiken

Helplinen

Fir allgemeng Renseignementer:

Helpline Sekretariat  

  • Telefon: (+352) 247-86060
  • Méindes bis Freides vun 9:00 bis 11:00 an vun 14:00 bis 16:00 Auer
  • Contact Email
  • Fax : (+352) 247-86061

Fir Renseignementer am Zesummenhang mat techneschen Hëllefsmëttelen, enger Adaptatioun vun der Wunneng oder enger Adaptatioun vum Auto:

Helpline Technesch Hëllefsmëttelen

  • Telefon: (+352) 247-86040
  • Méindes - dënschdes - donneschdes - freides vun 8:30 bis 11:30 Auer
  • Mëttwochs vun 13:30 bis 17:00 Auer

Wichteg: Dir sollt op kee Fall op eegen Initiativ technesch Hëllefsmëttelen (z. B. e Rollstull, e Fleegebett oder Hëllefe fir ze goen) kafen oder Aarbechten ufänken, fir d'Wunneng oder Äeren Auto unzepassen, éier Dir d'Geneemegung vun der AEC krut. D'Gesetz gesäit keng réckwierkend Prise en charge vir.

Spezifesch Informatiounen

Beräich fir déi Professionell